चाळीसगाव येथे जागतिक लोकसंख्या दीन साजरा

'जागतिक लोकसंख्या दिवस' निमित्त मथुराई शिक्षण संस्था चाळीसगाव संचलित माध्यमिक व उच्च माध्यमिक विद्यालय खडकी बु. (पाटखडकी)ता. चाळीसगाव येथे शिबीर संपन्न'

माननीय महाराष्ट्र राज्य विधी सेवा प्राधिकरण, मुंबई व मा. जिल्हा विधी सेवा प्राधिकरण, जळगाव यांच्या निर्देशाप्रमाणे दि.११/०७/२०२३ रोजी 'जागतिक लोकसंख्या दिवस' निमित्त तालुका विधी सेवा समिती चाळीसगाव, तालुका वकील संघ चाळीसगाव आणि मथुराई शिक्षण संस्था चाळीसगाव संचलित माध्यमिक व उच्च माध्यमिक विद्यालय खडकी बु. (पाटखडकी) ता. चाळीसगाव, जि. जळगाव यांचे संयुक्त विद्यमाने अध्यक्ष तालुका विधी सेवा समिती चाळीसगाव तथा दिवाणी न्यायाधीश व.स्तर चाळीसगाव श्री.एन.के.वाळके यांचे अध्यक्षतेखाली शिबीर घेण्यात आले. सर्व प्रथम सरस्वती यांच्या प्रतिमेचे पुजन केले. त्यानंतर शाळेतील विद्यार्थीनींनी सामुहिक स्वागत गीत सादर केले. सदर शिबीरात श्री.दिलीप पाटील, शिक्षक, माध्यमिक व उच्च माध्यमिक विद्यालय खडकी बु.,(पाटखडकी) यांनी कार्यक्रमाचे सुत्रसंचालन केले. श्री.सुधीर पुंडलिक पाटील, सचिव मथुराई शिक्षण संस्था चाळीसगाव संचलित माध्यमिक व उच्च माध्यमिक विद्यालय खडकी बु.(पाटखडकी) यांनी कार्यक्रमाची प्रस्तावना केली. श्री.रमेश सुधाकर पोतदार, शिघ्रकवी, समांतर विधी सहाय्यक तालुका विधी सेवा समिती चाळीसगाव यांनी 'जागतिक लोकसंख्या दिवस आणि बेटी बचाव बेटी पढाओ' या विषयावर काव्य सादर केले. अॅड.श्री.संग्रामसिंग शिंदे, सदस्य तालुका वकील संघ चाळीसगाव यांनी 'बाल न्याय (मुलांची काळजी आणि संरक्षण)अधिनियम–२०१५' या विषयावर मार्गदर्शन केले. अॅड. इशरत खान, सदस्य तालुका वकील संघ चाळीसगाव यांनी 'बालकांचे हक्क' या विषयावर मार्गदर्शन केले. श्री.सचिनकुमार भुपेंद्र दायमा, पी.एल.व्ही. तालुका विधी सेवा समिती चाळीसगाव यांनी 'सार्वजनिक उपयोगिता सेवा आणि केंद्र / राज्य सरकारी योजना' या विषयावर मार्गदर्शन केले.तसेच अध्यक्ष तालुका विधी सेवा समिती चाळीसगाव तथा दिवाणी न्यायाधीश व.स्तर चाळीसगाव श्री.एन.के.वाळके यांनी आपले अध्यक्षीय भाषणात 'जागतिक लोकसंख्या दिवस' 'बालकांचे अधिकार, बालन्याय मंडळ', बाल कन्याण समिती तसेच मुलांचे भविष्य कसे उज्वल करता येईल' या विषयावर उपस्थित विद्यार्थ्यांना मार्गदर्शन केले. तसेच उपस्थित विद्यार्थ्यांशी संवाद साधला. सदर शिबीरात श्री.सुरेश अहिरे, मुख्याध्यापक तसेच शाळेतील शिक्षक वृंद उपस्थित होते. तालुका विधीसेवा समिती तर्फे कार्यक्रमाचे आयोजन श्री.डी.के. पवार,वरिष्ठ लिपीक व श्री. तुषार अनिल भावसार, शिपाई यांनी पाहिले. अॅड.श्री.ओ. एस.शर्मा, सदस्य तालुका वकील संघ चाळीसगाव यांनी सर्व उपस्थित विद्यार्थ्यांचे आभार व्यक्त केेले व कार्यक्रमाची सांगता केली.