खराबवाडी ता.खेड मधील आयडीबीआय बँकेचे एटीएम फोडले; दोघांना अटक,
प्रतिनिधी : योगेश ( विकास ) अल्हाट
चाकणः खेड तालुक्यातील खराबवाडी येथे असलेले आयडीबीआय बँकेचे एटीएम चार चोरट्यांनी एका व्यक्तीला बेदम मारहाण करत फोडले. ही घटना रविवारी ( दि.1 ) रात्री दोन वाजताच्या सुमारास घडली. याबाबत चार चोरट्यासंह बँकेचे अधिकारी आणि इतर संबधित यांच्या विरोधात गुन्हा दाखल करण्यात आला आहे.
अनिकेत कोंडीबा दुधगोडे (वय19 रा तळेगाव ढमढेरे . ता शिरूर . मुळ रा. परभणी ) . ऋषिकेश किशोर पवार (वय . 22 रा. तळेगाव ढमढेरे ता. शिरूर ) प्रशांत (पुर्ण नाव मातीत नाही ) या चोरट्यांच्या विरोधात गुन्हा दाखल करण्यात आला. या सोबतच आयडीबीआय बँक व इतर संबंधीतांना देखील या प्रकरणात आरोपी करण्यात आले आहे. पोलीसांनी आरोपी अनिकेत व ऋषिकेश या दोघांना अटक केली आहे.
पोलीसांनी दिलेल्या माहितीनुसार , सागर मधुकर भांगरे ( वय22 )या व्यक्तीला आरोपींनी बेदम मारहाण केली . लोखडी रॉड आणि चाकुचा धाक दाखवुन मिरचीपुड चिकन मसाला पुड जवळ बाळगुन खराबवाडी येथील आयडीबीआय बँकेचे एटीएम फोडले चोरट्यांनी एटीएमचे बंद शटर कुलुप तोडून उघडले . त्यानंतर एटीएमच्या खालील बाजुचा बॉक्स उचकटून मशिन मधील वायरींग कापले.
तसेच एटीएमच्या बॉक्स वरील असलेल्या कॅमे-यावर काळ्या रंगाची चिकट टेप लावून चोरट्यांनी मशिन फोडली. या प्रकरणात किती रक्कम चोरीला गेली . या बद्दल अध्याप समजु शकलेल नाही. पोलीसांनी दोन चोरट्यांना अटक केली आहे.
एटीएमच्या ठिकाणी सुरक्षिततेच्या उपाययोजना बाबतीत पिंपरी चिंचवड पोलीसांनी सर्व बँकांना लेखी आदेश दिले होते. या आदेशाला बँकेने थेट केराची टोपली दाखवली. पोलीसांकडून करण्यात आलेल्या सुरक्षिततेसाठी उपाययोजना बाबतच्या सुचनांकडे बँकेने दुर्लक्ष केले. या प्रकरणात आयडीबीआय बँक व इतर संबधित लोकांना देखील आरोपी करण्यात आले आहे. चाकण पोलीस पुढील तपास करत आहेत.
0 टिप्पण्या