जागतिक आरोग्य दिन साजरा

'जागतिक मानसिक आरोग्य दिवस' निमित्त बापजी रुग्णालय चाळीसगाव,ता. चाळीसगाव येथे शिबीर संपन्न'

माननीय महाराष्ट्र राज्य विधी सेवा प्राधिकरण, मुंबई व मा. जिल्हा विधी सेवा प्राधिकरण, जळगाव यांच्या निर्देशाप्रमाणे दि.१०/१०/२०२३ रोजी 'जागतिक मानसिक आरोग्य दिवस' निमित्त तालुका विधी सेवा समिती चाळीसगाव आणि रोटरी क्लब अाॅफ चाळीसगाव रॉयल्स चाळीसगाव यांचे संयुक्त विद्यमाने अध्यक्ष तालुका विधी सेवा समिती चाळीसगाव तथा दिवाणी न्यायाधीश व.स्तर चाळीसगाव श्री.एन.के.वाळके यांचे अध्यक्षतेखाली शिबीर घेण्यात आले. सदर शिबीरात श्री.हर्षद ढाके, अध्यक्ष रोटरी क्लब ऑफ चाळीसगाव रॉयल्स चाळीसगाव यांनी कार्यक्रमाची प्रस्तावना केली. अॅड. संग्रामसिंग शिंदे, सदस्य तालुका वकीलसंघ चाळीसगाव यांनी कार्यक्रमाचे सुत्रसंचालन केले. श्री.रमेश सुधाकर पोतदार, पी.एल.व्ही. तालुका विधी सेवा समिती चाळीसगाव यांनी 'जागतिक मानसिक आरोग्य दिवस' वर आधारीत कविता सादर केली. डॉ.श्री.संदिप देशमुख, संचालक बापजी रुग्णालय चाळीसगाव यांनी 'जागतिक मानसिक आरोग्य दिवस' या विषयावर मार्गदर्शन केले. तसेच अध्यक्ष तालुका विधी सेवा समिती चाळीसगाव तथा दिवाणी न्यायाधीश व.स्तर चाळीसगाव श्री.एन.के.वाळके यांनी आपले अध्यक्षीय भाषणात 'कल्याणकारी योजना आणि दिव्यांग व्यक्ती यांच्यातील संपर्क तोडणे यावरील उपाययोजना', 'लाभार्थ्यांना योजनेशी जोडण्यासाठी पावले उचलणे, 'इतर कोणत्याही समस्यांमध्ये कायदेशीर सेवा सुनिश्चिती करणे' या विषयावर उपस्थित विद्यार्थ्यांना मार्गदर्शन केले. तसेच उपस्थित विद्यार्थ्यांशी संवाद साधला. सदर शिबीरात रोटे अल्पेश बागड, रोटे धीरज पाटील, ज्येष्ठ विधिज्ञ अॅड. एन.एम.पाटील, श्री. देवेश दिपक पवार, पी.एल.व्ही. तालुका विधी सेवा समिती चाळीसगाव, श्री. भिलाभाऊ सोनवणे, अधिक्षक दलितमित्र बापुजी दिवाण चव्हाण विद्यार्थी वस्तीगृह चाळीसगाव व तेथील विद्यार्थी तसेच बापजी जीवनदीप मल्टी स्पेशालिटी हॉस्पीटल चाळीसगाव येथील कर्मचारी वृंद उपस्थित होते. तालुका विधीसेवा समिती तर्फे कार्यक्रमाचे आयोजन श्री.डी.के.पवार,वरिष्ठ लिपीक व श्री. तुषार भावसार, शिपाई यांनी पाहिले. श्री.रोटे योगेश पाटील, रोटरी क्लब ऑफ चाळीसगाव रॉयल्स चाळीसगाव यांनी सर्व उपस्थित विद्यार्थ्यांचे आभार व्यक्त केेले व कार्यक्रमाची सांगता केली.