खो-खो क्रीडा स्पर्धेत देवळी आश्रम शाळेचे यश

 जिल्हास्तरीय खो-खो क्रीडा स्पर्धेत देवळी आश्रम शाळेचे यश

चाळीसगाव प्रतिनिधी

जळगाव येथे आयोजित शालेय जिल्हास्तरीय क्रीडा स्पर्धेत चाळीसगाव तालुक्यातील नानासो. उत्तमराव पाटील आदिवासी प्राथमिक माध्यमिक व उच्च माध्यमिक आश्रम शाळा देवळी येथील एकोणाविस वर्ष वयोगटातील संघाने प्रथम क्रमांक मिळवीत यश संपादन केले व आपले स्थान विभाग स्तरीय क्रीडा स्पर्धेत निश्चित केले आहे.

          विभाग स्तरावर निवड झालेल्या या संघाचे यश पाहता शिवाजी शिक्षण प्रसारक मंडळाचे अध्यक्ष बापूसाहेब कैलासराव सूर्यवंशी, संचालिका माईसाहेब जयश्री सूर्यवंशी, सचिव दादासाहेब आदित्य सूर्यवंशी, प्राचार्य श्री.सतीश पाटील, मुख्याध्यापक श्री.तुषार खैरनार तसेच शाळेतील सर्व शिक्षक, अधीक्षक, शिक्षकेतर कर्मचारी व विद्यार्थी यांनी खेळाडूंचे अभिनंदन केले व पुढील वाटचालीसाठी शुभेच्छा दिल्या. यशस्वी झालेल्या या संघाला क्रीडाशिक्षक श्री.शरद सूर्यवंशी, श्री.संदीप देशमुख, श्री.साहेबराव निकम, श्री‌संदीप सोनवणे यांचे मोलाचे मार्गदर्शन लाभले.