छत्रपती शिवाजी महाराज यांची जयंती देवळी आश्रमशाळांमध्ये साजरी

 देवळी  आश्रमशाळेत छत्रपती शिवाजी महाराज यांची जयंती उत्साहात साजरी

      नानासो.उत्तमराव पाटील आदिवासी प्राथमिक, माध्यमिक व उच्च माध्यमिक आश्रमशाळा देवळी येथे छत्रपती शिवाजी महाराज यांची जयंती उत्साहात साजरी करण्यात आली. कार्यक्रमाचे अध्यक्ष श्री. सतिष पाटील व कार्यक्रमाचे प्रमुख पाहुणे श्री.तुषार खैरनार यांनी दीप प्रज्वलन करून प्रतिमा पूजन केले.

        कार्यक्रमात पोवाडा, गायन, नाटक, लेझीम पथक, ढोल पथक, नृत्य सादर करण्यात आले.तसेच वृक्षारोपण करण्यात आले.कार्यक्रमाचे प्रास्ताविक जितेंद्र सूर्यवंशी यांनी मांडले तर शिवरायांचे शिवचरित्र श्री.रविंद्र तडवी, श्री.दादासाहेब दाभाडे, श्री.सागर बोरसे शाळेतील विद्यार्थी छाया चौरे यांनी मांडले. शिवरायांची भुमिका युवराज अहिरे तर जिजाऊ यांची भुमिका निधी पावरा यांनी साकारली. 

        कार्यक्रमास शाळेचे प्राचार्य मुख्याध्यापक सर्व शिक्षक व शिक्षकेतर कर्मचारी विद्यार्थी पालक हे उपस्थित होते. कार्यक्रमाचे सूत्रसंचालन श्रीमती.भाग्यश्री राठोड यांनी तर आभार श्री. प्रशांत पाटील यांनी मानले.