पुणे प्रतिनिधी : योगेश आल्हाट
पुण्याच्या हिंजवडी फेज वन मध्ये आज सकाळी भीषण दुर्घटना घडली आहे. कर्मचाऱ्यांना घेऊन जाणाऱ्या ट्रॅव्हलरला अचानक आग लागल्यामुळे चार जणांना आपला जीव गमवावा लागला आहे .व्योमा ग्राफिक्स कंपनीच्या १२ कर्मचाऱ्यांना घेऊन जाणाऱ्या टेम्पो ट्रॅव्हलर ला अचानक आग लागली. याआगीत ट्रॅव्हलर मधील चार कर्मचाऱ्यांचा होरपळून मृत्यू झाला आहे .तर काहीजण जखमी झाले आहेत. जखमींवर खाजगी रुग्णालयात उपचार चालू आहेत. आज सकाळी (दि १९) आठ वाजण्याच्या सुमारास ही घटना घडली आहे .
सकाळी आठ वाजण्याच्या सुमारास हिंजवडी येथील फेज वन मध्ये व्योमा ग्राफिक्स कंपनीच्या कर्मचाऱ्यांना घेऊन जाणारी ट्रॅव्हलर गाडी दाखल झाली. ट्रॅव्हलर मध्ये बारा कर्मचारी होते. अचानक चालकाच्या पायाखाली आग लागली. ही बाब त्याच्या लक्षात येताच तो आणि समोरील कर्मचारी गाडीतून तातडीने बाहेर पडले. मात्र वाहनाचा मागचा दरवाजा उघडताना न आलेले मागच्या सीटवर बसलेल्या चार कर्मचाऱ्यांचा आगीत होरपळून मृत्यू झाला .
या घटनेची माहिती मिळतात पोलिसांनी घटनास्थळी दाखल होत पंचनामा केला. या ट्रॅव्हलर च्या इंजिनमध्ये बिघाड असल्याने ही आग लागल्याची घटना घडली. असल्याची प्राथमिक माहिती आहे. या दुर्दैवी घटनेत जखमी झालेल्या कर्मचाऱ्यांना उपचारासाठी खाजगी रुग्णालयात दाखल करण्यात आले आहे. त्यांची प्रकृती आता स्थिर आहे असे डॉक्टरांनी सांगितले आहे .
नेमके घडले काय,?
हिंजवडी येथील एका खाजगी रुग्णालयात दाखल केले असून घटनेची माहिती मिळताच हिंजवडी पोलीस आणि हिंजवडी एमआयडीसी पीएमआरडीए च्या अग्निशमन दलाच्या जवानांनी आग आटोक्यात आणत जळालेले मृतदेह बाहेर काढले. ही भयावह घटना बुधवारी सकाळी आठ वाजता घडली आहे. हिंजवडी सर्कलच्या पुढे फेज टू कडे जाणाऱ्या रस्त्यावर ही घटना घडली .
दरवाजा लॉक झाला आणि ते चार जण.......
हिंजवडी येथील फेज टू ला क्रोमा शोरूम च्या मागील बाजूस असलेल्या व्योमा ग्राफिक्स या प्रिंटिंग प्रेस मध्ये ही बस चालली होती. या ट्रॅव्हलर मध्ये १२ ते १३ प्रवासी होते. हिंजवडीत ही ट्रॅव्हलर आली असताना अचानक बसच्या इंजिन ने पेट घेतला. यावेळी खूप मोठा धूर झाल्याने चालकाच्या लक्षात आले. त्यांनी बस मधून उडी मारली. व बसचा दरवाजा लॉक झाल्याने कामगारांना बाहेर पडता आले नाही. असे प्रत्यक्षदर्शींनी सांगितले.
प्रत्यक्षदर्शींनी सांगितला थरारक घटनाक्रम .
दरवाजे लॉक झाल्यामुळे खिडक्यांच्या काचा फोडून काही कामगार बाहेर पडले. प्रत्यक्षदर्शींनी पोलीस व अग्निशामक विभागाला या घटनेची माहिती दिली. त्यानंतर त्यांची टीम तात्काळ घटनास्थळी दाखल झाली. व पेट घेतलेल्या बसच्या आगीवर नियंत्रण मिळवत आत मध्ये अडकून पडलेले चार मृतदेह बाहेर काढले. हे सर्व मृतदेह उत्तरीय तपासणीसाठी पिंपरीच्या यशवंतराव चव्हाण रुग्णालयात नेण्यात आले आहे. या घटनेचा तपास हिंजवडी पोलीस करीत आहे.
0 टिप्पण्या